Saturday, July 21, 2012

රෝස සහ දාස්පෙතියා




















කන්ද මුදුනේ
හරිතගාරේ
පිපෙනවා රෝස...



කොළඹ යන්නට
ලොරිය එනතුරු
නිදනවා රෝස...


අනඟ රැඟුමට
පෙරව යහනත
සිඹිනවා රෝස...


කන්ද පාමුල
ලැයිම මානේ
පිපෙනවා දාස...


දලු අකුල් යට
මැකෙන තිලකය
දකිනවා දාස...


පෝර, දහදිය
කඳුලු අතරේ
පාවුනා දාස...





Friday, July 20, 2012

පෙකනි වැල



















කල්පයක මුල් වසර
පුතු ගැබෙහි නිදි කරන


මස පලා එලි දකින
සිහිනයට කිරි පොවන


වින්නඹුව පෙකනි වැල
කැපූ බව නොම හැඳින


කලල දිය පිරි බැලුම
තවම පුතු වට රකින

පෙකනි වැල දිග දුරට
ඇමතුමෙන් සුව පතන


මේ කිසිත් නම් නොදැන
ඒ රැහැන නැති තුටින


දියත යම් කොන වසන
ඔහු නමට හැම දිනම


යළි යළිඳු පිළිසිඳින
කිරි බිඳිති ලය උනන





Thursday, July 19, 2012

කොට්ට කිලංගු



කඳේ හිල් තුලින
දෑස් මානා සතුටින
එය වසා තවත් බදාම හැන්දකින

පාග ගත් පය
එහෙම්මම තව
තනි පියල්ලේ දලු
දවසක ආයෙ
බට්ටො වෙන බව දැන දැන




Related Posts Plugin for WordPress, Blogger...